Бидний тухай

Нүүдэлчний амьдрал ахуй бол Монголын байгаль, түүх, соёл, сэтгэлийн хослол бөгөөд жуулчдын сонирхлыг татахуйц нөхцлийг бүрдүүлж олон талаас нүүдэлчдийн амьдралыг таниулах, сонирхуулах боломжийг нэмэгдүүлэх нь аялал жуулчлалын салбарыг шинэ шатанд гаргах болно. Манай компани мэдээллийн технологийн дэвшилтэт технологи дээр тулгуурлан гадаад, дотоодын жуулчид болон нутгийн иргэдэд тулгуурлан тогтвортой, чөлөөт, улирал үл хамаарах номадизм аялал жуулчлалын платформыг хөгжүүлж байна. Үүнд:

1. Гадаад, дотоодын жуулчдыг нүүдэлчдийн амьдралд умбаж  онгон дагшин байдалд дураараа байх, шороон замаар явж, дэлхийн гайхамшигтай нүүдэлчдийн цөм болсон Монгол улсын ондоошилтой танилцах, байрлах, аливаа баяр ёслолд оролцох,  аялах , магадгүй биднээс суралцах боломжийг бүрдүүлэх;
2. Аялал жуулчлалын нэмүү өртгийн сүлжээнд оролцогчдыг нэгтгэх, хамтран хөгжих, хамтдаа хоршиж үйлчилгээ үзүүлэх, аялалын брэндийг хамтран хөгжүүлэх;
3. Төр, орон нутгийн бодлого, дэмжлэгээр орон нутгийн аялал жуулчлалын нэгдсэн мэдээлэл, оролцоо, хөгжүүлэлт, хяналтын тогтолцоо бий болгох, орон нутгийн аялал жуулчлалын үйлчилгээ үзүүлэгчдийн мэдээллийн баазыг бүрдүүлэх, мэдээлэлд тулгуурласан шийдвэр гаргалтанд нь туслалцаа үзүүлэх; 
4. Жуулчдад нэгдсэн арга хэмжээ, эвент, хөтөлбөрийг хөгжүүлэхэд хамтран ажиллах боломжийг бүрдүүлэх;
5. Нүүдэлчдийн амьдралыг бүхий л талаар нь харуулсан мэдээллийн суурь баазыг бий болгож, оролцогч талуудын сонирхолд нийцүүлэн мэдээлэл солилцох боломжийг бүрдүүлэхэд нь дэмжин ажиллахаар NOMADISM.MN платформ нь ажиллаж байна.

Монгол улсад дэлхийд, гадаад, дотоодынхонд нээх олон олон соёл, зан заншил, өвөрмөц ондоошилууд дүүрэн байна. Дэлхийд технологи хөгжиж аливаа зүйлийг автоматжуулж байгаа хэдий ч хүн өөрийнхөө дотоод сэтгэлийг танин мэдэх, байгаль ээжийн зөөлөн бүүвэйнд уулын оройд, ойн цоорхойд дүүлэн нисэх шувуудыг ширтэнгээ өөрийн амьдрал ахуйг тунгаан бодох боломжийг танд олгохын төлөө бид ажиллаж байна.

Монголын их амар амгаланг мэдэрч таны амьдралд нэгэн хөг ая нэмсэн, шинээр сэтгэж амьдрах боломжинд тань итгэл найдвар очыг нэмэгдүүлсэн тийм сайхан аялалыг бүрдүүлэхийн төлөө бид ажиллаж байна.